УИХ-ын гишүүн, Эрчим хүчний сайд М.Сономпил өнгөрсөн долоо хоногт зүүн бүсг, Багануур дүүрэг, Хэнтий, Дорнод аймагт ажилалаа.  Эхлээд Багануурын уурхайд очиж нүүрс шигшиж ачих туузан дамжлагын үйл ажиллагаатай танилцлаа. Өнгөрсөн жил хөрөнгө оруулалтаар барьж ашиглалтад оруулсан  энэ дамжлага нь нийслэлийн гэр хорооллын айл өрхүүдийг хямд үнэтэй, чанартай нүүрсээр хангахад чухал үүрэг гүйцэтгэж байгаа юм. Энэ дашрамд Багануур ТӨХК-ийн гүйцэтгэх захирал Д.Отгонбаяр  компанийхаа үйл ажиллагааны талаар Эрчим хүчний сайдад товч танилцуулж, тулгамдаж байгаа асуудлаар ярилцаж санал бодлоо солилцлоо. Өнгөрсөн жил Багануурын уурхай 3,5 сая тонн нүүрс олборлох төлөвлөгөөтэй байснаас  3,8 сая тонн нүүрс олборлосон байна. Энэ жилийн хувьд 3,8 сая тонн нүүрс олборлох төлөвлөгөөтэй ажиллаж байгаа ажээ.   

Мэдээний төрөл: Мэдээ мэдээлэл