Жил бүр уламжлал болгон зохион байгуулдаг Эрчим хүчний салбарын хяналтын ажилтны зөвлөлгөөнийг дөрөв дэх удаагаа ЭХЯ, МХЕГ болон “ДЦС-2” ХК-тай хамтран 2014 оны аравдугаар сарын 14–ний өдөр нийслэл хотод боллоо. Эрчим хүчний салбарын хяналтын ажилтны зөвлөлгөөнд Эрчим хүчний дэд сайд Д.Доржпүрэв, ЭХЯ-ны Төрийн захиргааны удирдлагын газрын дарга Л.Батсайхан, Мэргэжлийн хяналтын ерөнхий газрын Дэд бүтцийн хяналтын газрын дарга Д.Жаргал нар болон салбарын 25 байгууллагын 54 инженер техникийн ажилтан оролцож, 8 илтгэл сонсч хэлэлцлээ.

Зөвлөлгөөнд оролцогсодоос зөвлөмж гарган салбарын үйлдвэр компаниудад хүргүүлэхээр болж, дараагийн ээлжит 2015 оны зөвлөлгөөнийг “Баруун бүсийн эрчим хүчний систем” ТӨХК-ийн “Дөргөний УЦС” ХХК зохион байгуулахаар шийдвэрлэж шилжин явах цомыг гардууллаа.

Мэдээний төрөл: Мэдээ мэдээлэл