Эрчим хүчний сайд П.Ганхүү 2016 оны наймдугаар сарын 1-ний өглөө Эрчим хүчний яамны аппаратын хамт олонтой уулзаж, ажил байдалтай нь танилцлаа. Түүнд ЭХЯ-ны бүтэц бүрэлдэхүүн, албан хаагчдын хариуцаж байгаа ажлын талаар ЭХЯ-ны Төрийн нарийн бичгийн дарга Б.Намхайнямбуу нэг бүрчлэн танилцуулж, ойрны хугацаанд хийж гүйцэтгэхээр хүлээлэгдэж байгаа цаг үеийн ажлын талаар мэдээлэл өглөө. Эрчим хүчний сайд П.Ганхүү хэлэхдээ “Юуны өмнө сахилга зохион байгуулалт, ажлын цаг ашиглалтад онцгой анхаарч төрийн албаны тасралтгүй найдвартай ажиллагааг хангаж ажиллах ёстой” гэв.

Мэдээний төрөл: Мэдээ мэдээлэл