Стандартчиллын Үндэсний Зөвлөлийн 2017 оны 04 дүгээр сарын 06-ны өдрийн хурлаар Эрчим хүчний яамнаас боловсруулан оруулсан “Хийн хангамжийн сүлжээ. Нэр томъёо, тодорхойлолт”, “Хийн хангамжийн сүлжээ. Хийн ерөнхий шаардлага”, “Хийн хангамжийн сүлжээ. Үйлдвэрлэлийн болон ахуйн зориулалтаар ашиглах хийн техникийн шаардлага” зэрэг Монгол Улсын Үндэсний 3 стандарт батлагдлаа. 

Эдгээр стандартууд нь метан хий агуулсан төрөл бүрийн эх үүсвэр болох   нүүрсний давхаргын метан, занарын хий, газрын тосны дагалдах хий, нүүрсний уурхайн метан, био хий, нийлэг байгалийн хий зэргийг шугам сүлжээнд нийлүүлэх болон үйлдвэрлэл, ахуйн зориулалтаар ашиглахад мөрдөх хийн чанарын шаардлагыг стандарчилсан ба метан хийн хангамжийн  сүлжээ, инженерчлэлийн хүрээнд ашиглах нэр томъёо, үг хэллэгийг шинжлэх ухааны үндэслэл, олон улсын жишгийн дагуу тодорхойлж, нэг утгаар ойлгон хэрэглэх нөхцөлийг бүрдүүлсэн болно.   

Мэдээний төрөл: Мэдээ мэдээлэл